Жозе Мурињо потврди дека враќањето на Кристијано Роналдо во Манчестер Јунајтед никогаш не било планирано.
Во текот на претходните денови излегоа шпекулации кои говореа дека настанала кавга помеѓу Мурињо и раководството на Манчестер поради Кристијано Роналдо. Наводно од раководството го сакале Португалецот, но Мурињо одбивал да го донесе.
Сето тоа го негираше токму Жозе Мурињо: „Јувентус е еден од тимовите кои инвестираа за освојување на Лигата на шампионите затоа што не мора да инвестираат за да го освојат Скудетото. Нивната цел очигледно е Лигата на шампионите и токму затоа го донесоа Роналдо.
За Кристијано ние никогаш не разговаравме за да кажам „да“ или „не“. Никогаш немавме таков предлог на маса“- коментираше Мурињо.
