Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст ↓↓↓
Поранешниот играч на Челси, Адријан Муту, во 2003. година ја напушти Парма и се пресели во Челси, кој тогаш го плати 17 милиони евра.
Муту тогаш беше еден од најдобрите играчи во Италија, но не се покажа најдобро во првата сезона, а на почетокот на втората падна на тест за кокаин и поради тоа му беше прекинат договорот.
Во 2005. година Муту потпиша зa Јувентус, но во Челси уште не се откажуваат од Романецот и му ги бараат парите назад.
Тие испратија тужба до ФИФА за да им плати Муту 17 милиони евра, а токму таква одлука донесе светската фудбалска федерација, по што Романецот се жалеше до Судот за човекови права.
Но, и од таму доби исти одговор, па Романецот порача дека нема да може да плати 17 милиони евра бидејќи нема толку пари.