Со голот на Маркос Рохо, Аргентина успеа да се пласира во осминафиналето на Светското првенство во Русија.
Дефанзивецот на Манчестер јунајтед во 86. минута погоди за 2-1 и голема радост на „Гаучосите“, но во центар на внимание беше една друга ситуација.
Селекторот Хорхе Сампаоли очигледно е само официјално на таа позиција, а доказ за тоа е ситуацијата на десет минути пред крајот на натпреварот.
Меси покрај клупата бараше освежување, а Сампоали го праша Меси дали да го пушти во игра Агуеро.
