Дербија во Мадрид и Минхен: Последна шанса за Тен Хаг? ↓↓↓
Арон Ремзи дефинитивно во текот на јануари ќе биде еден од најбараните фудбалери на пазарот.
На Велшанецот договорот со Арсенал му истекува на крајот од сезоната, а со оглед на тоа дека до договор за продолжување на соработката не дојде, се повеќе клубови сакаат да ја искористат оваа ситуација и во текот на зимскиот преоден рок да го донесат Ремзи.
За Ремзи се заинтересирани Милан, Баерн, Интер, па и Јувентус чии челници според натписите на италијанските медиуми, се подготвени да понудат 10 милиони евра годишно и да го направат еден од најплатените играчи на „Старата дама“.
Информациите за интересот не ги демантираше ниту спортскиот директор на Јувентус, Фабио Паратичи.
„Тој е одличен играч и го следиме. Дали ќе премине во Јувентус? Се уште е член на Арсенал, не можам да го потврдам тоа“, истакна Паратичи.
Ремзи, за потсетување, е играч на Арсенал од 2008.година кога пристигна од Кардиф.
