Шанса да станеш YouTuber! Приклучи се! ↓↓↓
Судбината на Адријен Рабио во ПСЖ е решена.
Французинот не сакаше да го продолжи договорот со матичниот клуб, па на „Паркот на принцовите“ одлучија да го елиминираат од првиот тим и го испратија на трибините.
Сега играчот за врска се соочува и со казна. „Светците“ го суспендираа до 27. март поради тоа што веднаш по елиминацијата од Манчестер Јунајтед замина во ноќен клуб.
И не само тоа, му се замерува и што го „лајкнал“ видеото на Патрис Евра кој со Пол Сколс ја слави победата на Јунајтед на трибините.
Преговорите на Рабио и Барселона пропаднаа, ја отфрли можноста да се пресели во Лондон и да заигра во Тотенхем, а според најновите информации тој би можел да го задолжи дресот токму на Манчестер Јунајтед.
Претставниците на „Црвените ѓаволи“ и ирачите се состанаа веќе неколкупати, одреден чекор е направен, па до неговиот потпис не би требало да се чека уште долго.
