Пред дербито, падна најважниот потпис во Манчестер Сити! ↓↓↓
Денес се одиграа сите пет натпревари од 20-то коло во втората македонска фудбалска лига.
Хоризонт Турново го победи Металург на домашен терен, 3:1.
Томислав Илиев му донесе водство на Хоризонт Турново во деветата минута. Пред крајот на првото полувреме Томе Јанев зголеми на 2:0. Марио Крстовски го постигна третиот погодок во мрежата на Металург, а конечните 3:1 ги постави Мустафа Јусуф.
Тетекс на домашен терен минимално го победи Еуромилк, 1:0.
Марјан Билбилоски го постигна победничкиот погодок за Тетекс.
Тиквеш на домашен терен беше подобар од Новаци, 2:1.
Наумче Бакрачески погоди во четвртата минута за водство на Тиквеш. Кирил Степановски израмни, а во судиското продолжение од првото полувреме Мартин Никовиќ го врати водството на Тиквеш кое го задржа до крајот на натпреварот.
Вардар Неготино и Скопје ги поделија бодовите, 1:1.
Влатко Коцев во второто полувреме му донесе водство на домашните. Шест минути подоцна Алексо Новески ги постави конечните 1:1.
Велазерими и Академија Пандев ремизираа, 1:1.
На почетокот на второто полувреме Мргим Дани погоди за радост на домашните навивачи. Конечните 1:1 ги постави Даниел Миловановиќ.
