Диск голф го освојува светот, а го нема во Македонија!? ↓↓↓
Репрезентацијата на Македонија одигра уште еден одличен натпревар на Европското првенство во Хрватска.
Избраниците на Раул Гонзалез храбро парираа со актуелниот европски шампион и последниот натпревар од првата фаза го завршија без победник, 25:25.
Германија имаше водство од 1:0, но потоа нашите ракометари ја презедоа играта во свои раце и со тактички извонредно поставена тактика од Гонзалез имаа резултатска предност по првите 15 минути. Потоа следуваше пад на концентрацијата кој одлично го искористи Германија и со серија од 5:0 го презеде водството. На пауза се замина со еден поен предност во корист на „Панцирите“ (12:11).
Во вториот дел видовме многу поизедначен натпревар во кој само еднаш нашата репрезентација дојде до три голови позитива. Сепак и тоа Германците успеаја да го анулираат за на крајот нашите ракометари да имаат шанса и за победа, но Столе Стоилов не успеа да го совлада германскиот голман од линијата од шест метри.
Најефикасен во нашиот состав беше Филип Талески со шест постигнати погодоци, а со по пет натпреварот го завршија Кире Лазаров и Дејан Манасков.
Македонија во следната фаза ќе префрли три бода и веројатно ќе стартува од втората позиција во главната фаза која ќе ја играме во Вараждин.
