Сити беше убедлив, Агуеро постигна четири голови!

Манчестер Сити продолжи со походот кон титулата, па во 27 коло во ПЛ стигна до 23 победа.

На „Итихад“ го победи Лестер со убедливи 5-1, а блескаше тандемот Агуеро – Де Брајне.

Аргентинецот постигна дури четири голови, а Белгиецот беше три пати асистент.

„Граѓаните“ во водство стигнаа преку Стерлинг во третата минута, а потоа Варди израмни во 24 минута.

Сепак, во вториот дел на сцена стапи Агуеро со своите четири голови и го постави конечниот резултат.