Шанса да станеш YouTuber! Приклучи се! ↓↓↓
Манчестер јунајтед игра како препороден под водство на привремениот тренер Оле Гунар Солскјер, па Норвежанецот стигна до „три од три“, откако денеска го совладаа Борнмут со 4-1.
Главна ѕвезда на мечот беше Пол Погба, кој постигна два гола и една асистенција. Французинот погоди во петтата минута по одличната акција на Маркус Рашфорд, а во 33. Минута зголеми на 2-0.
Потоа стрелец за „ѓаволите“ беше Рашфорд за 3-0, а Нејтан Аке намали на 3-1 по првите 45 минути игра на „Олд Трафорд“.
Јунајтед продолжи и во вториот дел со фантастичната игра, па Ромелу Лукаку ги постави конечните 4-1 во 72. минута.
Јунајтед во моментов има 35 бодови на шестата позиција на табелата во Премиерлигата, односно три помалку од петтопласираниот Арсенал, кој има 38.
