Пред дербито, падна најважниот потпис во Манчестер Сити! ↓↓↓
Тимот на Работнички со реми против Ренова ја започна новата сезона во Првата Македонска фудбалска лига.
Тимот од Дебар Маало го напуштија неколку стандардни првотимци од минатата сезона меѓу кои и носителите на играта Шиков, Силјановски, Елмас и Ивановски. Како нивна замена се донесени неколку фудбалери, а шефот на стручниот штаб на Работнички, Виктор Треневски смета дека ова е период на трансформација и набрзо ќе почне да ја прикажува посакуваната игра.
„Ова е период во кој Работнички се трансформира. Не е ова непознато за клубот, речиси секоја година има вакви промени. Но, заминаа навистина клучни фудбалери од минатата сезона и сега треба коцките да се наместат, дел од фудбалерите да преземат нова одговорност и да почнеме да функционираме според моите замисли. Од друга страна, одигравме солиден меч против Ренова на почетокот од шампионатот, дуелите со овој ривал секогаш се тесни и традицијата продолжи. Сега не очекува ново искушение во Битола, против Пелистер кој исто така има нов стратег, што секогаш носи и нова енергија во тимот“- истакна Виктор Треневски.
Работнички во второто коло му гостува на битолски Пелистер,а Треневски очекува возбудлив натпревар против пелистерци.
