Швајцарскиот тенисер, Роџер Федерер денеска објави дека нема да игра на Роланд Гарос.
„Одлучив да не играм на отвореното првенство во Париз. Вредно работев како и на теренот, така и надвор од него, но за да останам во игра мислам дека треба да ги избегнам игрите на песок и да се посветам на тие на трева и тврда подлога“ – вели Федерер.
„Имав магичен почеток на сезоната. Одлучивме со мојот тим дека играњето на песок не е во интерес на мојата игра и моите подготвувања за остатокот од сезоната. Ќе ми недостасуваат француските навивачи кои секогаш ме подржувале и едвај чекам да се сретнеме на Роланд Гарос но наредната сезона“ – додаде Федерер.
