Анде Јанков - македонски автор: Тајните на пишување добар крими роман!? ↓↓↓
Селекторот на репрезентацијата на Франција, Дидиер Дешампс ја коментираше ситуацијата околу Осман Дембеле и неговите проблеми во Барселона.
За потсетување, Дембеле го пропушти претохдниот меч на Барселона против Реал Бетис во Ла Лига, а челниците на каталонската екипа во образложението истакнаа дека е болен односно дека има вироза.
Каталонските медиуми пренесуваа дека изминатиот ден воопшто не дошол на тренинг и дека во клубот не знаеле каде се наоѓа се додека не одлучил да се јави, па е отстранет од натпреварот поради санкција.
Дешампс порачува дека многу добро знае за некои неодговорности на Дембеле, и му порака малку да биде посериозен.
„Знам јас за неговите изговори кога доцни, во своја одбрана секогаш ќе каже дека не е единствен. Осман има лоша навика да доцни, било да се работи за клуб или репрезентација. Мора да биде малку поодговорен. Тој е млад играч кој веќе знае многу и не губам надеж дека на крајот ќе научи како да избегнува некои ситуации наместо да ги повторува“, истакна францускиот селектор.
За потсетување, Дембеле секако се најде на списокот на Дешампс и овојпат, а репрезентацијата на Франција веќе во петок ги очекува средба во рамки на Лигата на нациите против Холандија во Амстердам.
