Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст ↓↓↓
Македонската тенисерка Лина Ѓорческа продолжува да има успешен настап на турнирот во романската престолнина. Осигури полуфинале со победа против Лаура Хиетаранта од Финска, завршувајќи го натпреварот со резултат 2-0 во сетови.
На почетокот на натпреварот, Ѓорческа демонстрираше супериорност. Таа брзо го освои првиот сет, правејќи три брејка и завршувајќи го со 6-3. Македоницката тенисерка успеа да наметне контрола над играта.
Вториот сет започна со предност за Хиетаранта, која поведе со 2-0. Сепак, Ѓорческа одговори со серија од три освоени гема, комплетирајќи пресврт и поведувајќи со 3-2. Таа продолжи со својата доминантна и прецизна игра и без изненадувања го освои сетот со ист резултат од 6-3.
