До кога ќе дишеме отровен воздух!? | Уште еден поткаст ↓↓↓
Голманот на фудбалерите на Манчестер Сити, Џанлуиџи Донарума, ја одложи својата венчавка за да биде целосно подготвен летово да игра за репрезентацијата на Италија на Светското првенство во САД, Канада и Мексико, изјави денеска неговиот агент Енцо Рајола.
Италија не играше на последните две Светски првенства во Русија и Катар и сè уште нема обезбедено учество на следниот Мундијал, туку треба да игра во бараж во март, против Северна Ирска, а потоа против Велс или Босна и Херцеговина.
– Сакаше да се ожени летово, но сето тоа го одложи бидејќи најнапред има обврски со Италија. Многу му е важно Светското првенство, бараше да остане концентриран и да се фокусира само на својот клуб и Италија, бидејќи од срце сака да оди на тоа натпреварување – изјави Рајола за радио Спортива.
