Македонската фудбалска репрезентација вечер го игра мечот од шестото квалификациско коло против Летонија во Рига, кадешто ќе ја бара втората победа во квалификациите.
Македонските фудбалери се запознаени со квалитетот на летонската репрезентација, а веќе еднаш ја победивме Летонија во Скопје со 3-1.
Сепак, селекторот Игор Ангеловски се соочува со проблеми, зашто Елиф Елмас не е познато дали ќе настапи во вечерашниот меч, откако се повреди на тренинг при еден ненамерен судир со голманот Дејан Илиев.
Во моментов Македонија во групата има пет бодови и се наоѓа на петтата позиција, а Летонија е зад нас без бодови. Додека пред нас се Полска на прво место со 12 бодови, па следуваат Австрија со девет, како и Словенија и Израел со по осум бода.
