Во Неапол се случи вистински хаос откако фудбалерите кренаа бунт против претседателот на клубот, Аурелио де Лаурентис.
По мечот против Салцбург во Лигата на шампиони, фудбалерите наместо во карантин – заминаа во своите домови, па поради тоа Де Лаурентис реши да им ги замрзне сметките, како и да ги казни фудбалерите со 25% од платата до крајот на сезоната.
Доколку е тоа вистина, тогаш македонскиот фудбалер Елиф Елмас ќе остане без голем дел од својата плата, која изнесува 1,5 милиони евра.
Поточно Елмас ќе остане без 375.000 евра според италијанските медиуми, а се шпекулира и дека Де Лаурентис сака да ги продаде Инсиње, Кулибали, Алан, Мертенс и Калјехон.
