Претседателот на Турција Таип Ердоган посакува турската репрезентација да ја предводи Американецот Шејн Ларкин, бекот на Анадолу кој има фантастична сезона со просек од 22 поени.
Ларкин и во претходните месеци се спомнуваше за нов член на турската репрезентација, а таа вест стигнала и до претседателот Ердоган, кој најавил дека ќе направи се тоа и да се случи.
“Ќе направиме се што е потребно. Би сакале да видиме таков играч во нашата репрезентација. Ларкин може да го однесе нашиот државен тим до добри резултати”, изјавил Ердоган.
Претходно дресот на турската репрезентација го носеа Скоти Вилбекин и Боби Диксон.
