Мино Раиола потврди дека Пол Погба ќе остане во редовите на Манчестер Јунајтед и покрај тоа што има сериозен интерес од Реал Мадрид.
Контроверзниот агент потоа се осврна и на состојбите во Манчестер Јунајтед кои како што кажа тој повеќе наликуваат на клуб од САД отколку на Европски клуб.
„Вистината е дека Манчестер Јунајтед има повеќе американски менталитет отколку европски. Мислам дека понекогаш клубот е повеќе загрижен за економскиот дел отколку за спортските делови. Плус, во денешно време ви треба специјалист затоа што тренерот нема време да ги менаџира скаутите и другите задачи, а јас мислам дека тоа фали во Манчестер Јунајтед. На клубот му треба специјалист, спортски директор, некој кој ќе биде помеѓу тимот, тренерот и сопствениците, некој кој може да ги спојува страните“ –заклучи Мино Раиола, и со оваа изјава многу од фановите на Јунајтед ќе се сложат со него.
