Фудбалерите на Барселона утре играат на гости против Ибица во рамки на шпанскиот Куп. Голема еуфорија владееше во редовите на шпанскиот третолигаш кога дознаа дека играат против Каталонците, а мечот се игра на стадион чиј капацитет е 4.500 влезници.
Меѓутоа, Ибица се најде во големи проблеми пред мечот затоа што билетите уште не се пуштени во продажба. Интересот е огромен, а навивачите беа во шок кога им порачаа дека сите карти биле украдени за мечот.
Непознати лица влегле во просториите на Ибица и ги украле сите влезници за мечот против Барселона. Продажбата беше одложена затоа што се печатат новите влезници, кои денеска треба да бидат пуштени во продажба.
Мечот меѓу Ибица и Барселона се игра утре од 19 часот и ќе биде интересно да се види дали домаќините ќе успеат да го решат проблемот со влезниците.
