Валенсија го пријави Фудбалскиот сојуз на Шпанија до Европската фудбалска унија (УЕФА). Шпанскиот тим се налутил поради тоа што неколку клубови предложија да се прекине сезоната, а местата во европските натпреварувања да ги добијат тимовите според актуелната табела.
Тоа не им се допадна на луѓето во Валенсија, кои случајот го пријавија во УЕФА, а се очекува истото да го направи и Атлетико Мадрид, кој не е во топ-4, па најверојатно ќе остане без Лигата на шампиони (ЛШ) во таков случај.
Во ЛШ се Барселона, Реал Мадрид, Севилја и Реал Сосиедад, а во Лига Европа се Хетафе, Атлетико Мадрид и Атлетик Билбао како финалист во шпанскиот Куп.
Се поставува прашањето зошто фудбалскиот сојуз воопшто предложил такво нешто, кога е познато дека УЕФА строго забрани да се прекинат првенствата.
