Диск голф го освојува светот, а го нема во Македонија!? ↓↓↓
Името на членот на хрватската репрезентација и член на Барселона, Иван Ракитиќ, често се става во контекст со Јувентус. Во последните месеци италијанските медиуми повторно ги поврзаа „Старата дама“ и хрватскиот репрезентативец.
Познато е дека договорот на Ракитиќ истекува во 2021. година, поради што тој е особено интересен за Јувентус, кој гледа шанса да го донесе, според „Тутопорт“, кој веќе пишуваше за тоа како Фабио Паратичи ја пренел идејата да го донесе Ракитиќ пред управата на каталонскиот клуб.
Колку и да е интересот, Италијанците сè уште немаат испратено официјална понуда. Ракитиќ, наводно, не знае ништо за понудата и никој во клубот сè уште не му кажал дека пристигнало нешто поврзано со него, дознал Мундо Депортиво.
Засега, Ракитиќ не изгледа нестрплив за можниот трансфер затоа што не би имал ништо против и да остане во Барса, но многу ќе зависи од тоа како ќе изгледа летниот рок со оглед на пандемијата на коронавирусот што прави сè да застане.
„Ракитиќ знае дека на него не се смета во Барселона и сака да го контролира неговото заминување“, пишува Мундо Депортиво, кој додаде дека од неговото пристигнување во 2014. година, Ракитиќ помина од клучен играч во маргиналец од кој клубот се обидува да се реши.
