Италијанските медиуми пишуваат дека Кристијано Роналдо побарал од управата на Јувентус да му го донесат поранешниот соиграч од Реал Мадрид, Карим Бензема.
Не е тајна дека Роналдо сака да игра покрај Французинот, кој осум години му беше идеален соиграч и фудбалер кој на Португалецот му асистираше за најмногу голови во кариерата.
По заминувањето на Роналдо, целиот товар падна на грбот на Бензема, а сега Роналдо бара клубот да му го донесе во Торино следната сезона.
Но, тоа е невозможна мисија, дури и ако Јувентус го понуди Дибала затоа што Бензема е незаменлив и прва ѕвезда на тимот, а тренерот Зинедин Зидан нема намера да се откаже од неговите услуги.
