Фудбалерот на ПСЖ, Нејмар на духовит начин ги „пецна“ играчите на Лајпциг, по пласманот на францускиот клуб во финалето на Лигата на шампиони.
ПСЖ го совлада Лајпциг со убедливи 3-0 во полуфиналето на елитното натпреварување, а Нејмар повторно блесна на теренот и беше еден од најзаслужните за големиот успех на тимот.
Следеше голема прослава со соиграчите во соблекувалната, а атмосферата по мечот ја сподели и со фановите на социјалните мрежи.
„Тато оди во финале“, напиша Нејмар на Инстаграм, а притоа објави фотографија со Ред Бул за да го „пецна“ ривалот.
