Најдобриот тенисер во светот Новак Ѓоковиќ на импресивен начин ја заврши првата недела на Ролан Гарос.
Србинот вчера избори пласман во осминафиналето, откако славеше против Даниеле Галан Риверос со 6-0, 6-3 и 6-2.
Многу тенисери на Ролан Гарос се жалеа на одлуките на судиите. На снимките на „око соколово“ во многу случаи можеше да се забележи како судиите носат грешни одлуки, а неправдата ја доживеа и Србинот.
„Со моја голема почит кон традицијата и културата на спортот не гледам зошто овој турнир не ја користи технологијата како секој друг. Технологијата е напредна, нема причина да имаме линиски судии на теренот. Тоа е мое мислење“, вели Ѓоковиќ.
