Поранешниот фудбалер на Манчестер јунајтед, Вејн Руни пред 10 години имал намера да се пресели во Барселона, каде што сонувал да игра со Лионел Меси, Андрес Иниеста и Чави…
Руни во 2010 година бил желба на многу екипи, меѓу кои Барселона, Реал Мадрид, Челси и Манчестер сити, но по разговор со Алекс Фергусон, Англичанецот остана на „Олд Трафорд“.
„Во тоа време Барселона, Реал Мадрид, а мислам дека и Манчестер Сити беа заинтересирани за мене, но тие никогаш не беа опција. Сакав да играм за Барселона, но поблиску бев до трансфер во Мадрид. Се сеќавам еден ден седнав и размислував „замисли да играм во тој тим на Барселона заедно со Меси, Чави, Иниеста и Бускетс. Сепак, на крајот се предомислив и одлучив да потпишам нов петгодишен договор со Јунајтед“, вели Руни.
