Ѕвездата на ПСЖ, Нејмар имаше интересен коментар пред медиумите по победата против Манчестер јунајтед.
Бразилецот јавно кажа дека сака повторно да заигра со Лионел Меси, а неговите зборови предизвикаа шпекулации дека ќе се врати во Барселона.
Меѓутоа, поверојатно е Меси да се пресели во ПСЖ, зашто има можност следното лето да го напушти клубот.
„Тоа што најмногу го сакам е да заиграм повторно со Меси, да уживам со него на теренот. Желба ми е повторно да соработуваме од следната сезона“, кажа Нејмар.
И Леандро Паредес, соиграчот на Меси од репрезентацијата, сака да ја види „десетката“ на Аргентинецот во Париз.
„Го чекаме со отворени раце“, порача Прадес по победата во Манчестер.
