Поранешниот македонски репрезентативец Илчо Наумоски во интервју за „ВелтФусбал“ зборуваше за дебито на Македонија на Европското првенство (ЕП).
Бившиот напаѓач на Матерсбург кажа дека Австрија е фаворит против Македонија, но и Германија беше во слична позиција, па загуби на домашен терен од македонските фудбалери.
„Австрија е фаворит во мечот со Македонија, но и Германија беше, па на крајот загуби. Македонија досега загуби двапати од Австрија. Пред дуелот сум поделен. Пораснав во Австрија, но имам потекло од Македонија и ги сакам двете држави. Играв за Македонија и сакам да победи, иако реми би било добро за сите“, вели Наумоски.
