Репрезентативецот на Велс, Герет Бејл пред девет години пристигна во Реал Мадрид кога се создаваше најмоќниот тим во светот, но не ги оправда очекувањата и се очекува на крајот на сезоната да си замине.
Бејл беше купен од Тотенхем за 100 милиони евра, а со Реал Мадрид ги освои сите трофеи што можеше, но потоа направи неколку скандали и пропушташе тренинзи и натпревари.
Искусниот фудбалер оваа сезона одигра само четири меча за „кралевите“ и притоа постигна само еден гол, па јасно е дека нема да му биде продолжена соработката и се очекува од следната сезона да го гледаме во друга екипа.
„Бејл имаше проблеми со повреди оваа сезона, тој не е мотивиран, но сака да ја заврши приказната со Реал Мадрид како што доликува. Договорот му завршува на крајот на сезоната и нема да биде продолжен“, вели Анчелоти.
