Првиот обид за создавање европска Суперлига заврши неславно, односно идејата пропадна на најголемите тимови во Европа да направат свое натпреварување кое ќе биде независно од УЕФА и ФИФА.
Пред една година 12 тимови сакаа да создадат Суперлига во која планот беше да настапуваат само избрани екипи, а одговорот на УЕФА беше жесток, па веднаш се откажаа девет од 12 клубови од идејата.
За оваа тема разговараше и првиот човек на ПСЖ и претседател на Европското здружение на клубови, Насер Ал-Келаифи, кој ги нападна првите луѓе на Јувентус, Реал Мадрид и Барселона.
„Мразам да зборувам за Суперлига затоа што зборуваме за три тимови. Свесни се дека од тоа нема ништо. Луѓе гинат во Украина, немаат каде да спијат, а ние се бориме за Суперлига. Нивниот проблем е тоа што немаат финансиска стабилност, ниту долгорочна визија. Забораваат дека фудбалот е друштвен договор, а не правен“, вели првиот човек на ПСЖ.
