Пред дербито, падна најважниот потпис во Манчестер Сити! ↓↓↓
Францускиот напаѓач Карим Бензема многумина го праќаа во пензија затоа што во Реал Мадрид треба да пристигне неговиот помлад сонародник Килијан Мбапе од ПСЖ, но тоа како да го мотивираше искусниот играч.
Бензема му даде три гола на европскиот шампион Челси и го донесе Реал Мадрид на чекор до полуфинале во Лигата на шампиони (ЛШ), а во моментов го носи и кон титула во Ла Лига.
„Ова беше магична ноќ. Нешто како против ПСЖ кога се пласиравме во четвртфинале“, кажа Бензема по победата против Челси.
Бензема дојде до израз откако клубот го напушти Кристијано Роналдо, по што почна да ги полни противничките мрежи.
Скандалозното уценување на неговиот колега од репрезентацијата и обидот да изнуди пари не му ја уништија кариерата, туку доби условна затворска казна од 12 месеци, кои беа единствена трага на неговото име.
Ниту тоа не ја налути француската јавност затоа што Бензема покажа дека е зрел за „Златната топка“ со неговите настапи оваа сезона.
Французинот освои 27 различни домашни и европски трофеи со сегашниот и поранешниот тим, па време е за трофејот на ФИФА за најдобар во светот.
