Неколку навивачи на Реал Мадрид го напуштија стадионот во 80. минута, кога Манчестер сити водеше со 1-0.
Нетрпеливоста ги чинеше многу скапо затоа што пропуштија голем спектакл на теренот, откако 10 минути подоцна Родриго ја затресе мрежата на Манчестер сити и го најави пресвртот.
Баксузните навивачи забележаа дека се случува нешто на теренот и посакаа да се вратат назад, но полицијата не им дозволи, па тие мораа да бараат место од каде што ќе може барем делумно да го гледаат натпреварот.
А дел од нив немаа друг избор, па го догледаа дуелот преку нивните мобилни телефони.
