Голем скандал го стресе шпанскиот фудбал, откако медиумите објавија дека првиот човек на федерацијата, Луис Рубиалес кажал дека мрази три екипи.
„Ел Конфиденсијал“ објави пораки од Рубиалес и неговиот татко на „ВацАп“ во кои ги пишува и имињата на шпанските екипи кои се омразени за претседателот на федерацијата.
Магазинот објави дека Рубиалес ги мрази Вилјареа, Севилја и Валенсија, како што имаше наведено во неговата порака до татко му.
Ова предизвика жестока реакција од шпанската јавност, но и од споменатите тимови, кои побараа јавно извинување од страна на Рубиалес.
