„Газета дело Спорт“ објави дека напаѓачот на Интер, Лаутаро Мартинез би можел да ја напушти „Џузепе Меаца“, по што наводно ќе се пресели во англиската Премиерлига.
Лаутаро долго време е желба на европските гиганти, но засега остануваше во Интер, иако тоа би можело да се промени наскоро, а доказ за тоа се скаутите на Манчестер јунајтед.
Истите биле забележани на натпреварите на Интер, а веќе контакти меѓу клубот и фудбалерот биле воспоставени, па така Лаутаро по Мундијалот во Катар би можел да потпише за „ѓаволите“.
Овој 25-годишен фудбалер има договор со Интер до 2026 година и деталите од потенцијален трансфер во Премиерлигата не се познати.
Мартинез се споменува како решение за нападот на тренерот Ерик Тен Хаг, кој сè помалку смета на Кристијано Роналдо.
