Англискиот репрезентативец Џејдон Санчо се смири со тренерот Ерик Тен Хаг по враќањето во Манчестер јунајтед, но сè уште останува отворена вратата за негово заминување.
Францускиот шампион ПСЖ е заинтересиран за услугите на Санчо, а Англичанецот не би имал ништо против да се пресели во Париз.
Премиерлигашот бара сума од 48 милиони евра за потписот на Санчо, а тоа е речиси двојно помалку отколку што потроши за неговите услуги.
Санчо минатата сезона беше исфрлен од првиот тим на „ѓаволите“, па беше испратен на позајмица во Борусија Дортмунд каде што блесна.
