Манчестер Сити треба да победи - и тоа кога е најтешко! ↓↓↓
Италијанскиот гигант Милан се врати на победничките патеки во Серија А, откако вечерва убедливо го совлада тимот на Емполи со 3-0 на „Сан Сиро“, во рамките на 13. коло од шампионатот.
Мечот започна со висока динамика, а „росонерите“ ја презедоа контролата на играта уште од самиот почеток. Алваро Мората го отвори резултатот во 19. минута, со што му донесе рана предност на Милан. Неговиот погодок беше плод на прецизна комбинација и одлична завршница.
На крајот на првото полувреме, Тијани Рејндерс го зголеми водството на 2-0 со мајсторски удар во 44. минута. Холандскиот фудбалер беше вистинскиот херој на вечерта, бидејќи во 69. минута повторно ја затресе мрежата на противникот и ја завери победата со конечни 3-0.
Со оваа победа, Милан ја прекина серијата на неповолни резултати и го зацврсти своето место на табелата. Во моментов, тимот е на седмата позиција со 22 бодови, зад лидерот Наполи, кој има предност од седум поени.
