Ќе го решиме проблемот со отпадот ако го гледаме како ресурс, а не како ѓубре! | Уште еден поткаст ↓↓↓
Ламин Јамал, фудбалски играч од врвен калибар со светла иднина, станува главна тема на разговор. Но, овојпат не поради неговите фудбалски вештини, туку поради проблематичното поведение надвор од теренот.
Иако се уште се смета за значајна фигура за Барселона, неговите приватни избори почнуваат да влијаат на неговата игра и дисциплина. Каталонските вести известуваат дека неговото однесување станува сè поголем предмет на загриженост за управата на клубот, бидејќи од крајот на претходната сезона, истиот забележително се влошува.
Преку оваа сезона, Јамал веќе беше двапати повреден. Клубските извори укажуваат дека делумно причината за тоа е неговиот несоодветен начин на живот. Жорже Мендеш, неговиот агент, неодамна одржал трочасовна средба со него за да го предупреди за можните последици од неговите активности.
Во соблекувалната на „Камп Ноу“ се појавија дополнителни тензии. Кризниот момент дојде кога, пред средбата со ПСЖ, 18-годишниот играч задоцни на тренинг, па Ханси Флик донесе одлука да го изостави од стартната единаесетка како дисциплинска мерка.
Медиумите јавуваат дека Деко, спортскиот директор, побарал од Флик да не ја применува востановената казна, што предизвикало разидувања помеѓу двајцата.
