Ѕвездата на Манчестер Сити во проблеми: Соседот го пријавил во полиција и откри зошто

До кога ќе дишеме отровен воздух!? | Уште еден поткаст ↓↓↓

Фудбалерот на Манчестер Сити, Родри, се најде во центарот на вниманието во Англија откако се појави информацијата дека неговите соседи го пријавиле во полиција, а сега е познато и зошто.

Родри ја пропушти речиси целата мината сезона поради повреда и тоа откако беше прогласен за најдобар играч на светот, и ја освои Златната топка.

Оваа сезона шпанскиот врзувач успеа повторно да се врати на терен, но е јасно дека уште не ја достигнал формата која ја имаше пред тешката повреда на коленото.

Додека се обидува на терен да ја најде старата форма, Родри се соочува со проблеми и во неговиот личен живот.

Англиските медиуми од вчера зборуваат дека Родри има проблеми со законот и дека е пријавен во полицијата во Манчестер.

„Сан“ објави дека соседите на Родри одлучиле да ја пријават ѕвездата на Манчестер Сити, а еден од нив јавно откри зошто го сториле тоа.

Родри е пријавен дека ја нарушува приватноста на соседите бидејќи без дозвола користи дрон за снимање околу зградата во која живее.

„Живеам со сопругата на горниот кат во зградата и задното нешто што очекувате додека гледате телевизор е дрон на метар од вашиот прозорец”, изјави еден од соседите на Родри и додаде.

„Мојата сопруга е многу лута поради тоа. Една од предностите кога живеете на горниот кат е тоа што другите не можат да ве гледаат и следат секој ваш потег, но таа приватност сега е нарушена од страна на Родри и неговиот дрон”.

.

ПОВРЗАНИ НАПИСИПОВЕЌЕ ОД АВТОРОТ