До кога ќе дишеме отровен воздух!? | Уште еден поткаст ↓↓↓
Многу се причините зошто Манчестер Сити синоќа како фаворит влезе во првиот натпревар од осминафиналето на Лигата на шампионите против Реал во Мадрид.
Но, „кралскиот“ клуб по кој знае кој пат покажа дека никој не смее да го отпише, дека Лигата на шампионите е „негово натпреварување“ и дека оној кој сака да го исфрли ќе мора да направи сѐ спротивно од тоа што синоќа го направи Пеп Гвардиола со својот тим.
Десеткуваниот Реал од низок блок ги вребаше своите шанси и брутално ги искористи и славеше со резултат 3:0 преку инспирираниот капитен Феде Валверде, кој постигна хет-трик.
Донарума му одбрани пенал на Винисијус, само за малку да го расипе уживањето на домашните навивачи, но по натпреварот сепак преовладува оптимизмот, како и големата доверба во новиот тренер Алваро Арбелоа, кој со тактички трикови апсолутно го надмудри постариот и пославниот колега од Сити.
Се разбира, имаше и пофалби за херојот Валверде, кој по кој знае кој пат покажа дека е играч за големи дела, дека може да одговори на барањата на секоја позиција и дека е легитимен наследник на Лука Модриќ и Тони Крос, ако се гледа влијанието на тимот на теренот и во соблекувалната.
“Веќе сум малку уморен од зборувањето за неговите партии, без оглед на која позиција играл. Тој е нашиот Хуанито (легендарен играч на Реал кој играше од 1977 до 1987 година). Валверде е сѐ што играч на Реал Мадрид треба да биде, ја заслужи оваа вечер“, јасен е Арбелоа.
