До кога ќе дишеме отровен воздух!? | Уште еден поткаст ↓↓↓
Фудбалскиот свет е потресен од загрижувачките вести од Романија. Легендарниот тренер Мирча Луческу (80) заврши на интензивна нега откако доживеа сериозен здравствен колапс.
Како што соопштија од болницата, Луческу во петокот наутро претрпе акутен миокарден инфаркт, а ситуацијата дополнително се усложни неколку часа подоцна кога, според достапните информации, доживеа и втор срцев удар.
Состојбата во одреден момент беше исклучително критична. Луческу итно беше пренесен во одделот за интензивно лекување на срцеви болни, а според романските медиуми, лекарите морале дури трипати да вршат реанимација за да го стабилизираат.
Ситуацијата дополнително ја шокираше јавноста затоа што Луческу веќе беше хоспитализиран неколку дена и требаше да биде отпуштен. Претходно оваа недела му беше вграден дефибрилатор за да се регулира работата на срцето.
