Актуелниот шампион на Англија, фудбалерите на Лестер продолжуваат со рушење на негативните рекорди во ПЛ оваа сезона.
Ако минатата сезона се восхитуваа на нивните игри, оваа сезона ситуацијата е сосема различна.
Фудбалерите на Лестер се наоѓаат само едно место над опасната зона и имаат бод повеќе од Хал.
Покрај сите проблеми кои ги имаат, Лестер полека ги руши скоро сите можни негативни рекорди.
Тие немаат постигнато гол на последните 6 натпревари во ПЛ, а тоа е најдолга низа за еден шампион во ПЛ.
Тимот на Раниери нема постигнато гол дури 10 часови што е неверојатен податок за еден шампион.
Не им помага ниту фактот дека нивниот најдобар стрелец Варди е во лоша форма и постигна само 5 голови оваа сезона.
