Џерард Пике ја смири разбрануваната фудбалска јавност откако на Твитер објави фотографија со Нејмар под која напиша дека тој останува во клубот и нема да се пресели во ПСЖ.
Сепак, на вечерашната прес конференција на Барселона во САД, Пике истакна дека неговиот пост не е официјален и не значи дека Нејмар дефинитивно ќе остане.
„Објавата не беше нешто што е официјално. Тоа не зависи од мене. Само Неј може да каже што ќе се случи, а јас се надевам дека ќе остане. Ќе се обидам да му ја објаснам на Нејмар, како соиграч и пријател, ситуацијата во која што е. Ќе му кажам да не оди во лига, која со цела почит, не е толку добра“– коментираше Пике.
