Како што пишува „Скај Спортс“ од таборот на Манчестер Сити се сериозно заинтересирани за играчот на Вест Бромвич, Џони Еванс.
Медиумот дознава дека интернационалецот од Северна Ирска е на мета на Сити неколку недели, и дека веќе една понуда е испратена до таборот на ВБА. Сепак истата била одбиена, и се очекува „Граѓаните“ да испратат нова, подобрена во следниот период.
Интересен е фактот што Џони Еванс долги години го носеше дресот на Манчестер Јунајтед, а потекнува од познатата школа на „Ѓаволите“. Доколку ваквиот трансфер се оствари сигурно ќе ја разбранува јавноста на Островот.
