Шведскиот напаѓач Златан Ибрахимовиќ многу брзо стана миленик на фановите на Лос Анџелес Галакси по неговото неверојатно деби за клубот.
Сега веќе поранешниот фудбалер на Манчестер Јунајтед се осврна и на соработката со Жозе Мурињо. Ибра во Јунајтед помина една и пол година, а да не беше повредата на коленото сигурно многу повеќе ќе му помогнеше на клубот и оваа сезона.
„Го сакам Мурињо. Тој е специјален .Сака да победува. Каде и да одеше, освојуваше трофеи. Ми направи да се чувствувам комотно, но ми даваше и многу одговорности. Ми рече дека единствен проблем со мене е кога треба да ме одмара“ –коментираше Ибрахимовиќ за ЕСПН.
Ибра се осврна и на играта на Јунајтед оваа сезона која ја прокоментира како добра, а за минатата шведскиот напаѓач истакна дека била одлична затоа што клубот освоил три трофеи.
