Левиот бек на Манчестер јунајтед, Лук Шо, доби критики од навивачите за преголемата тежина, но смета дека тоа е неоправдано и во моментов е ист каков што беше поранешниот соиграч Вејн Руни.
Шо поради вишокот на килограми беше критикуван уште од поранешниот тренер на Јунајтед, Луј Ван Гал, а неколку пати го направи тоа и Жозе Мурињо.
„Секако дека луѓето ќе кажат дека сум дебел, но јас го познавам своето тело. Изгледам големео, имам големи гради, а би можел да кажам дека имам слично тело како тоа на Руни“, вели Шо.
Англискиот репрезентативец вели дека и покрај јавните критики, Мурињо неодамна му дал поддршка.
„Кога ми испрати порака Мурињо, на мене ми олесна. Не очекував да разогаварме и тоа беше позитивно. Ми даде голема самодоверба за наредната сезона“, објаснува Англичанецот.
