Реал Мадрид во првиот натпревар од осминафиналето во Лигата на шампиони (ЛШ) беше поразен во Париз од ПСЖ со 0-1, а единствениот гол на мечот го постигна Килијан Мбапе.
Шпанските медиуми за поразот го обвинуваат првиот човек на ПСЖ, Насер Ал-Келаифи, кој им одржал лекција на судијата Даниел Орсато и неговите помошници во соблекувалната.
„Ал-Келаифи и Леонардо беа во соблекувалната на полувреме и непристојно се однесувале кон судиите. Не знаеме зошто го направиле тоа. Реал Мадрид не очекува никакви санкции против ПСЖ. Ал-Келаифи ѝ помогна на УЕФА да потпише договор вреден 15 милијарди евра“, пишуваат медиумите.
Овој потег е само за да се покаже големиот бес кој го има раководството на парижаните кон „кралевите“, кои на лето планираат да им го украдат Мбапе, и тоа целосно бесплатно.
