Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст ↓↓↓
Едно од клучните прашања кое го мачи тренерот Масимилијано Алегри пред новата сезона е како оптимално да ги искористи вештините на Лука Модриќ (39). Иако хрватскиот играч за врска се приближува до 40-тиот роденден, неговата игра и статистика се сè уште на елитно ниво, но јасно е дека ќе биде потребно внимателно да се дозира неговото време на терен. Според пишувањата на италијанскиот Тутоспорт, се чини дека Алегри донел конечна одлука за неговата улога, пренесува Сепремилан.
Главната дилема за тренерот од Ливорно беше дали да го користи Модриќ како региста, односно како длабински креатор на играта пред одбраната, или во нешто поофанзивна box-to-box улога, со која би го покривал целиот терен.
Италијанскиот медиум тврди дека Алегри сега е сигурен дека сака да го види поранешниот играч на Реал и Тотенхем како региста. На тој начин планира да ја максимизира неговата способност за диктирање на темпото на игра, додека истовремено ја чува неговата физичка подготвеност.
Фото: Принтскрин
