Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст ↓↓↓
Иако новата сезона само што започна, новиот тренер на Реал Мадрид, Алонсо веќе знае дека следната нема да смета на Антонија Ридигер и Давид Алаба.
Мадридските медиуми ја искористија репрезентативната пауза за анализа на досегашната работа на Алонсо, со јасни прогнози за иднината, и открија дека Алонсо и Флорентино Перез се согласиле клубот да не им понуди нови договори на Ридигер и Алаба.
Искусните дефанзивци летово влегоа во последната година од договорот, Реал Мадрид нема проблем да останат до истекот, но обновувањето на соработката не е опција.
Алаба имаше опција да си замине уште летово, но одби, делумно бидејќи сака да се наметне, делумно поради примањата, бидејќи е еден од најплатените во тимот.
Ридигер беше многу важен дел кај Карло Анчелоти, но и неговата улога сега е намалена, со оглед на тоа дека Алонсо сака да форсира тандемот Хаусен-Милитао.
Не треба да се заборави дека Алаба има 33 години, Ридигер е една година помлад, па јасно е дека полека влегуваат во завршница на кариерата.
Исто така, ова е уште еден јасен знак дека главната задача на Реал ќе биде да ги засили стоперите, а прва цел е Ибрахима Конате, кој има договор со Ливерпул исто до летото 2026 година.
Фотографија: Принтскрин
