Диск голф го освојува светот, а го нема во Македонија!? ↓↓↓
Челси конечно добива нов сопственик, откако Велика Британија го замрзна имотот на рускиот милијардер Роман Абрамович поради војната во Украина.
Околу два месеци се шпекулираше кој ќе го купи Челси, а синоќа конечно пристигна потврда, па така нов газда ќе биде Тод Боели, кој е ко-сопственик и на Лос Анџелес Лејкерс.
Боели заедно со неколку партнери договори преземање на Челси за сума од три милијарди евра, а трансакцијата ќе се реализира до крајот на месецот, односно откако пристигне зелено светло од британската Влада.
Интересно е тоа што Абрамович од продажбата нема да добие ниту евро, а целиот износ ќе го донира за помош на Украина.
„Фобрс“ открива дека Боели има имот од 4,5 милијарди евра, а прифатил и во следниот период да инвестира околу две милијарди евра во клубот.
