Како започна приказната со Goblin Games - од гаража до бренд! ↓↓↓
Карло Анчелоти е новиот селектор на Бразил, но Италијанецот го дочека многу непријатна ситуација бидејќи Фудбалската федерација на таа земја се најде во центарот на скандалот.
Едналдо Родригес (71) е разрешен од функцијата претседател на Бразилската фудбалска федерација поради наводно местење на изборите во 2022 година.
Поранешниот претседател на бразилскиот фудбал, сепак, не се помири со одлуката и поднесе жалба до Врховниот суд за да биде вратен на функцијата. Покрај тоа, Родригес ја изнесе изненадувачката хипотеза: ФИФА би можела да го спречи Бразил да игра во квалификациите за Светското првенство 2026 година.
Фернандо Сарнеи, потпретседател на CBF, е именуван за претседател, со задача да организира избори што е можно побрзо. Сепак, Едналдо Родригес смета дека ФИФА и КОНМЕБОЛ не го признаваат новото раководство, што би можело да ја подложи CBF и неговите национални репрезентации на сериозни санкции, вклучително и исклучување од меѓународните натпревари.
Родригес тврди дека во овој случај бразилската репрезентација можеби нема да ги игра натпреварите против Еквадор и Парагвај во квалификациите за Светското првенство, и дека тој мора да биде вратен на функцијата претседател на CBF.
Со четири преостанати кола во квалификациите за Светското првенство 2026 во Јужна Америка, Бразил е на 4-то место со 21 бод, шест бода пред Венецуела, која е на 7-то место, првата позиција надвор од местата што водат директно на завршниот турнир.
Фото: Принтскрин
