Анде Јанков - македонски автор: Тајните на пишување добар крими роман!? ↓↓↓
Уште еден шок доживеа Реал Мадрид. Кралевите беа поразени на Сан Мамес од Атлетик Билбао со 2:1, а тренерот Карло Анчелоти тврди дека е задоволен од играта.
Реал Мадрид е далеку од идеалната форма. Кралевите играат топло-ладно, а вечерва дојде нов студен туш и пораз на гостувањето во Билбао кај Атлетик (2:1).
Иако неговиот тим беше поразен, тренерот Карло Анчелоти нема ништо да им замери на своите играчи.
„Игравме добро. Заслуживме вечерва бод. Имавме порази на многу непријатни стадиони – Енфилд и Сан Мамес. Сепак, играме сѐ подобро, мораме да продолжиме со работата“, рече Карло Анчелоти.
Килијан Мбапе повторно беше трагичар. По натпреварот против Ливерпул, вечерва промаши пенал и против Атлетик.
Карло Анчелоти истакнува дека не треба да му се суди на Французинот само поради промашениот пенал.
„Не можеме да му судиме на Мбапе само поради промашениот пенал. Треба да му дадеме време да се адаптира на новата средина. Работи напорно“, рече Анчелоти.
Додека Анчелоти го бранеше од нападите, Килијан Мбапе се огласи на Инстаграм и презема одговорност врз себе.
„Лош резултат и голема грешка во натпревар во кој секој детал одлучува”, напиша Мбапе и додаде: „Преземам целосна одговорност. Ова е тежок момент”, пренесе Мбапе.
